Dr Dänu isch sitem 2020 bi üs im Verein aktiv gsi u ar Houptversammlig 2021 hei mir ihn us Aktivmitglied dörfe ufnäh. Nachdäm är üs sit Jahrä am 1.Augustfest i dr Chuchi het ungerstützt, hei mir ihn chönne überzüge, sini Klarinette umä füre`ds`näh u zu üs cho Musig ds machä.
Vo Afang ah isch dr Dänu bi auem drbi gsi und o ä feschtä Bestandteil vo jedere gmüetliche Rundi nach dr Prob gsi. Mit sire ufgstelltä, humorvollä, intressiertä und engagiertä Art het är i derä viu ds`churzä Zyt bi üs im Verein schnäu zu aunä ä Draht gfungä. Sit chli meh aus`ämä Jahr het är sich us Feschtwirt engagiert u isch o dert mit vouem Iisatz drbi gsi.
Dankä Dänu, fürs gmeinsamä Musiziere, Lachä, Diskutierä, Öppis-ufd-Bei-Steuä, Philosophierä u no viu meh. Du hingerlahsch nid numä ä lääre Stueuh ir Prob, Stiui, wo dini Klarinette het tönt u ä freiä Platz am Stammtisch, sondern fäuhsch üs aunä us Mönsch u Musigkamerad. Danke viu mau für aues.
